"Real Madrid" və "Barselona"nın İspaniya kubokunun 1/8 finaldakı rəqibləri müəyyənləşib

Futbol üzrə İspaniya kubokunda 1/8 final mərhələsinin püşkü atılıb.

"Report"un məlumatına görə, 16 komandadan ibarət bu mərhələnin 8 cütlüyü müəyyənləşib.

"Barselona" 1/8 finalda "Leqanes"lə, "Real Madrid" "Saraqosa", "Sevilya" klubu isə "Mirandes"lə qarşılaşacaq. 1/16 finalda Madrid "Atletiko"sunu mübarizədən kənarlaşdıran üçüncü divizionun klubu "Kultural Leonesa" bu mərhələdə "Valensiya" ilə üz-üzə gələcək.

Qeyd edək ki, İspaniya kubokunda 1/8 finalın oyunları 28, 29 və 30 yanvarda keçiriləcək.

İspaniya kubokunda 1/8 finalın cütlükləri belədir:

"Badahos" – "Qranada"

"Kultural Leonesa" – "Valensiya"

"Tenerife" – "Atletik"

"Saraqosa" – "Real Madrid"

"Mirandes" – "Sevilya"

"Rayo Valyekano" – "Vilyarreal"

"Real Sosyedad" – "Osasuna"

"Barselona" – "Leqanes"