Yuxarı

Fransada futbol matçı zamanı videotəkrara baxışdan sonra qol ləğv olunub

Fransada futbol matçı zamanı videotəkrara baxışdan sonra qol ləğv olunub
Hadisə aşağı liqa təmsilçiləri “Paris”lə “Orlean” arasında keçirilən görüşdə baş verib

Bakı. 24 may. REPORT.AZ/ Fransada futbol matçı zamanı videotəkrara baxışdan sonra qol ləğv olunub. “Report”un məlumatına görə, hadisə aşağı liqa təmsilçiləri “Paris”lə “Orlean” arasında keçirilən görüşdə baş verib.

Qarşılaşmanın 32-ci dəqiqəsində qonaqlar oyundankənar vəziyyətdən hesabı açsalar da, yan xətt hakimi qayda pozuntusunu qeydə almayıb. Lakin referi videogörüntülərə baxan köməkçisinin məlumatından sonra qolu ləğv edib. Buna rəğmən, “Orlean” səfər matçında 1:0 hesabı ilə qalib gəlməyə müvəffəq olub.

Qeyd edək ki, “Paris” Fransanın səviyyəcə 3-cü sayılan Milli Liqasında 3-cü yeri tutub və Liqa 2-də 18-ci olan “Orlean”la "pley-off"da qarşılaşmaq hüququ qazanıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi