FİFA Rusiya Futbol İttifaqını cərimələyib

Bakı. 8 may. REPORT.AZ/ FİFA Rusiya Futbol İttifaqını cəzalandırıb.

"Report" FİFA-nın saytına istinadən xəbər verir ki, buna səbəb azarkeşlərin Fransa ilə oyunda rəqib futbolçulara qarşı irqçi ifadələr işlətməsidir. 

Buna görə Rusiya Futbol İttifaqı 30 min İsveçrə frankı məbləğində cərimə olunub.

Qeyd edək ki, martın 27-də Sankt-Peterburq şəhərində keçirilən yoxlama matçında Rusiya millisi 1:3 hesabı ilə məğlub olub.