Yuxarı

FİFA-nın baş katibinə qarşı iş açılıb

Bu barədə FİFA məlumat yayıb

Bakı. 7 yanvar. REPORT.AZ/ FİFA-nın Etika Komitəsinin Arbitraj Palatası 45 günlük baş katiblik vəzifəsindən uzaqlaşdırılmış Jerom Valke barəsində iş açıb. "Report"un məlumatına görə, bu barədə ali futbol qurumunun yaydığı açıqlamada bildirilib.

Arbitraj Palatasının hazırda apardığı iş haqda ətraflı məlumat verilməyib. Lakin İstintaq Palatasına rəhbərlik edən Kornel Borbeli J.Valkenin cəriməsinin 100 min İsveçrə frankı civarında olacağını şərh edib.

Qeyd edək ki, Jerom Valke səlahiyyətlərinin icrasından sentyabrda kənarlaşdırılıb. FİFA oktyabrın əvvəlində sonradan 45 gün müddətinə də uzadılmasının mümkünlüyü şərti ilə baş katibi tutduğu vəzifədən 90 gün uzaqlaşdırıb. J.Valke DÇ-2014-ə qeyri-leqal yolla bilet satışında əlinin olmasında ittiham edilir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi