Yuxarı
    Bağlamaq

    FİFA Konfederasiyalar Kubokunu klublararası dünya çempionatı ilə əvəzləyəcək

    İlk mundiala 24 klub qatılacaq

    Bakı. 26 avqust. REPORT.AZ/ FİFA Konfederasiyalar Kubokunu klublararası dünya çempionatı ilə əvəzləyəcək. 

    "Report"un məlumatına görə, ilk çempionat 2021-ci ildə Çində təşkil olunacaq.

    İlk mundiala 24 klub qatılacaq. Onlar hər birində 3 komanda olmaqla, 8 qrupa bölünəcəklər. "Pley-off"a yalnız qrup qalibləri yüksələcək.

    Dünya çempionatında Avropadan 12, Cənubi Amerikadan 5, Afrika, Asiya və Şimali Amerikanın hərəsindən 2 komanda iştirak edəcək. Daha bir vəsiqənin sahibi isə Okeaniya ilə digər konfederasiyaların təmsilçiləri arasında keçiriləcək "pley-off" matçından sonra bilinəcək. Avropanı son 4 qalib və finalçılarla yanaşı, Avropa əmsalında ən yaxşı göstəricilərə malik 4 klub təmsil edəcək.

    Qeyd edək ki, 2005-ci ildən keçirilən hazırkı klublararası dünya çempionatında 7 komanda mübarizə aparır. Yarışda 6 qitənin qalibi və təşkilatçı ölkə komandası iştirak edir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi