Yuxarı
    Bağlamaq

    Əziz Yıldırımla motosiklet sürücüsü arasında insident baş verib - VİDEO

    Münaqişəyə klub prezidentinin idarə etdiyi avtomobilin siqnal vermədən motosikletin önünə çıxması səbəb olub

    Bakı. 31 iyul. REPORT.AZ/ Türkiyənin "Fənərbağça" klubunun prezidenti Əziz Yıldırımla motosiklet sürücüsü Engin Erqan arasında insident baş verib.

    "Report"un "İhlas" agentliyinə istinadən məlumatına görə, münaqişəyə Yıldırımın idarə etdiyi avtomobilin siqnal vermədən motosikletin önünə çıxması səbəb olub. Erqan bununla əlaqədar klub rəhbərinə irad tutub. Əvəzində "Fənər" rəsmisi əvvəlcə avtomobilinin şüşəsini endirərək, söyüşlər yağdırıb. Daha sonra o, maşını ilə motosikletin qarşısını kəsərək, kobud ifadələrlə "Nə siqnal? Qarşımdakı avtomobilləri görmürsən? Maşınlar məndən əvvəl yola girir, sən isə siqnaldan danışırsan" deyib.

    Bu vaxt arxadakı avtomobildən Yıldırımın cangüdənləri də düşərək, motosiklet sürücüsünün üstünə qışqırıblar. Onlar "Biz gedəndən sonra burdan çıxarsan" deyiblər.

    Qeyd edək ki, baş verənlər Engin Erqanın motosikletindəki kameraya da düşüb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi