Yuxarı
    Bağlamaq

    Elxan Abdullayev: "Neftçi"yə daha 5-6 legioner cəlb olunacaq"

    Futbolçular həm Avropa, həm də Cənubi Amerikadan olacaq

    Bakı. 27 dekabr. REPORT.AZ/ "Neftçi" daha 5-6 legionerlə müqavilə imzalayacaq.

    Bu barədə "Report"a komandanın baş məşqçisi Elxan Abdullayev məlumat verib.

    O bildirib ki, yeni gələn futbolçular həm Avropa, həm də Cənubi Amerika ölkələrindən olacaqlar.

    Baş məşqçi bir neçə gün əvvəl müqavilə müddəti artırılan, ancaq komanda ilə yollarını ayıran braziliyalı Jonas Pessalidən də söz açıb: "Onunla yeni müqavilə imzalandı. Özü müraciət edərək ayrılmaq istədiyini bildirdi. O, vətənində yüksək liqada çıxış edən komandadan yaxşı təklif alıb. Biz də onu başa düşdük. Pessali burada "Neftçi"yə xeyir verdi. Bu səbəbdən etiraz etmədik. Namiq Ələsgərov gənc olsa da, istedadlı futbolçudur. Ona oynamaq lazımdır. Düzdür, "Qarabağ"da az oynayırdı. Amma hər şey onun özündən asılıdır". 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi