Yuxarı
    Bağlamaq

    Elnur Cəfərov Xorvatiya klubuna keçəcək

    Azərbaycan milli komandasının futbolçusu karyerasını yenidən xaricdə davam etdirəcək

    Bakı. 23 avqust. REPORT.AZ/ Azərbaycan milli komandasının futbolçusu Elnur Cəfərov karyerasını yenidən xaricdə davam etdirəcək.

    "Report"un məlumatına görə, bu haqda məlumat verən AFFA-nın baş katibi Elxan Məmmədov 19 yaşlı yarımmüdafiəçinin karyerasını Xorvatiyada davam etdirmə variantının reallaşmaq üzrə olduğunu bildirib: "Bu ölkənin yüksək liqasında oynayan 2 klubla danışıqlar gedir. Çox güman ki, tezliklə Elnurun həmin komandanın üzvü olması xəbərini eşidəcəyik. Düzü, 2 klub olduğundan, ad çəkə bilmirəm. Gəlin, bir az gözləyək, çünki məsələ tam həll olunmayıb".

    E. Məmmədov Portuqaliyanın yüksəl liqa təmsilçisi "Tondela"da qısamüddətli legioner həyatı yaşayan, rəsmi debüt edən bilməyən futbolçunun ruhdan düşməməsini və yenidən ölkə kənarında oynamaq istəyini alqışlayıb: "Təbii ki, Elnurun çox müsbət keyfiyyətləri var. Ancaq bir müsbət cəhətini də deməliyəm ki, xaricdə oynamaq istəyir. Baxmayaraq ki, Portuqaliyada karyerası alınmadı. Qayıdan kimi yenə təşəbbüs göstərdi və arzuladı ki, bir daha xaricdə oynasın. Biz də bunun gerçəkləşməsinə çalışırıq. Milli komandanın futbolçuları nə qədər çox xaricdə yüksək liqada oynasalar, bir o qədər yaxşıdır".

    Xatırladaq ki, "Tondela" Portuqaliyada yeni çempionatın startı öncəsi Elnur Cəfərovla müqaviləsini pozub.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi