Yuxarı

Əfqanıstan yığmasının baş məşqçisi bıçaqlanıb

İnsident Məhəmməd Karqarın Kabildəki evində baş verib

Bakı. 12 yanvar. REPORT.AZ/ Futbol üzrə Əfqanıstan milli komandasının baş məşqçisi Məhəmməd Karqar bıçaqlanıb. "Report"un məlumatına görə, 53 yaşlı mütəxəssis dörd nəfərin hücumuna məruz qalıb. 

İnsident Karqarın Kabildəki evində baş verib. Hücumun motivi hələlik məlum deyil. Polis araşdırma aparır. Hazırda xəstəxanada olan baş məşqçinin vəziyyəti sabit qiymətləndirilir. 

Qeyd edək ki, Məhəmməd Karqar Əfqanıstan yığmasına 2008-ci ildən rəhbərlik edir. Onun başçılığı altında yığma 2013-cü il Cənubi Asiya çempionatının qalibi olub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi