Yuxarı

Dubayda Messinin pasportunu videoya çəkən polisi məhkəməyə çağırıblar

O, şəxsi həyata qarışmaqda ittiham olunur

Bakı. 20 yanvar. REPORT.AZ/ Birləşmiş Ərəb Əmirliklərində polis Dubay məhkəməsinə çağırılıb. "Report"un ESPN-ə istinadən verdiyi məlumata görə, polis İspaniyanın "Barselona" klubunun futbolçusu Lionel Messinin şəxsi həyatına qarışmaqda ittiham olunur. 

Messi dekabrda ECA (Globe Soccer Awards) versiyası üzrə ilin futbolçusuna verilən mükafatı almağa gələrkən, o, argentinalı hücumçunun pasportunu videoya çəkib. Polis sosial şəbəkədə paylaşdığı videonun altında bu sözləri yazıb: "Yandırım, yoxsa geri qaytarım?"

Məhkəmə bu hərəkəti şəxsi həyata qeyri-qanuni müdaxilə kimi dəyərləndirib. Polis əməkdaşı günahını rədd edir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi