Devid Bekhemin klubunun MLS-də debüt tarixi açıqlanıb

İngiltərəli sabiq futbolçu Devid Bekhemin rəhbərlik etdiyi ABŞ-ın "İnter" klubu MLS-də (Baş Futbol Liqası) 1 mart 2020-ci ildə debüt edəcək.

"Report"un məlumatına görə, Əvvəlcə "Los-Anceles"in qonağı olacaq Mayami təmsilçisi daha sonra martın 14-də "Los-Anceles Qelaksi"ni qəbul edəcək. "İnter" ev oyunlarını 19 min tamaşaçı tutumuna malik Fort-Loderdeyl stadionunda keçirəcək. Bir neçə ildən sonra klub Mayamidəki 26 min tamaşaçı tutumuna malik arenaya dönməlidir.

Qeyd edək ki, Devid Bekhemin 2007 - 2012-ci illərdə "Los-Anceles Qelaksi"də forma geyinib.