Danimarka yığmasının iki futbolçusu millidəki karyerasını başa vurub

Bakı. 2 iyul. REPORT.AZ/ Danimarka yığma komandasının futbolçusu Uilyam Kvist millidəki karyerasını başa vurub. 

"Report" xəbər verir ki, 33 yaşlı yarımmüdafiəçi bu barədə şəxsi "Facebook" hesabından paylaşım edib.

O, DÇ-2018-in 1/8 finalında Xorvatiyaya qarşı keçirdiyi matçın onun üçün sonuncu olduğunu vurğulayıb. Kvist kimi, digər danimarkalı Kron-Deli də millidəki karyerasının sona çatdığını açıqlayıb.

Qeyd edək ki, Danimarka dünya çempionatının 1/8 finalında əsas və əlavə vaxtı 1:1 hesabı ilə yekunlaşan oyunda Xorvatiyaya penaltilər seriyasında məğlub olub.