Yuxarı

Çin klubu "Qalatasaray"ın baş məşqçisinə təklif göndərib

Çin klubu "Qalatasaray"ın baş məşqçisinə təklif göndərib
Fatih Terim təklifi qəbul etsə, dünyanın ən çox qazanan üçüncü baş məşqçisi olacaq

Bakı. 25 may. REPORT.AZ/ Çinin "Dalyan Lifan" klubu Türkiyənin "Qalatasaray" komandasının baş məşqçisi Fatih Terimə təklif göndərib.

"Report" "Marca"ya istinadən xəbər verir ki, 65 yaşlı mütəxəssisə illik 10 milyon avro təklif olunub. 

F.Terim bu təklifi qəbul edəcəyi təqdirdə, Xosep Qvardiola və Joze Mourinyodan sonra dünyanın ən çox qazanan 3-cü baş məşqçisi olacaq. Təcrübəli baş məşqçi uğursuz nəticələr göstərən Bernd Şusteri əvəzləməyə əsas namizəddir.  

Qeyd edək ki, "Dalyan Lifan" Çin liqasında 11 turdan sonra 16 komanda arasında 15-ci pillədə qərarlaşıb. Komandanın heyətində Nikolas Qaytan və Yannik Karrasko kimi futbolçular çıxış edir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi