Yuxarı

​Çempionlar Liqasının pley-off mərhələsinin görüşləri keçiriləcək

Yuventus Borussiyanı, Mançester Siti Barselonanı qəbul edəcək

Bakı. 24 fevral. REPORT.AZ/ Bu gün UEFA Çempionlar Liqasının pley-off mərhələsinin növbəti görüşləri keçiriləcək. "Report"un məlumatına görə, gecə iki qarşılaşma baş tutacaq.

İtaliyanın "Yuventus" klubu doğma azarkeşlər önündə "Borussiya"nı qəbul edəcək. Turin təmsilçisi ilə Almaniya klubu arasında keçiriləcək qarşılaşmanı Antonio Mateo Laos idarə edəcək. "Yuventus" A qrupunun ikincisi kimi bu mərhələyə vəsiqə qazanıb. "Qoca sinyoralar" qrup mərhələsində "Atletiko Madrid"dən geri qalıb. Dortmund "Borussiya"sı isə D qrupunun lideri qismində pley-off-da iştirak hüququ əldə edib.

Digər qarşılaşmada isə "Mançester Siti" və "Barselona" komandaları üz-üzə gələcək. İngiltərədə keçiriləcək qarşılaşmanın start fitini almaniyalı Ferix Brıx səsləndirəcək. Görüş Mançesterdəki "Etihad" stadionunda baş tutacaq. "Şəhərlilər" qrup mərhələsini ikinci, kataloniyalılar isə lider olaraq başa vurub.

Qeyd edək ki, bu cütlüklərin cavab görüşləri martın 18-də baş tutacaq.

24 fevral

23:45. "Yuventus" - "Borussiya"

23:45. "Mançester Siti" - "Barselona"

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi