Yuxarı
    Bağlamaq

    Bu gün ​Çempionlar Liqasında 1/4 finalın ilk oyunları keçiriləcək

    Qarşılaşmalar İspaniya və Almaniyada baş tutacaq

    Bakı. 5 aprel. REPORT.AZ/ Bu gün futbol üzrə Çempionlar Liqasında 1/4 final mərhələsinin ilk oyunları keçiriləcək.

    "Report"un məlumatına görə, qarşılaşmalar İspaniya və Almaniyada baş tutacaq.

    "Barselona" doğma azarkeşlər önündə digər bir İspaniya təmsilçisi "Atletiko"nu sınağa çəkəcək. Kataloniyalıların heyətində Sandro Ramires, Adriano və Jeremi Matyo meydana çıxamayacaq. Madrid klubu isə ilk görüşdə Xose Ximenes, Oliver Torres və Xesus Qamesin xidmətindən yararlana bilməyəcək. Oyunda daha bir maraqlı məqam türkiyəli futbolçu Arda Turanın "Barselona"nın heyətində sabiq komandasına qarşı mübarizə aparmasıdır.

    Münhendə isə "Bavariya" Portuqaliya "Benfika"sını qəbul edəcək. Bu görüşə hər iki komanda itkilərlə çıxacaq. Almanlar Boatenq və Badstubersiz mübarizə aparacaqsa, portuqaliyalılar Luisao və Julio Sezarsız meydana çıxacaq. Uzun müddətdir meydanda olmayan Aryen Robbenin isə "Benfika"ya qarşı oynayıb-oynamayacağı bilinmir.

    Çempionlar Liqası, 1/4 final, ilk oyunlar

    22:45. "Bavariya" (Almaniya) - "Benfika" (Portuqaliya)

    Baş hakim: Şimon Marçinyak (Polşa)

    Münhen. "Alyans Arena"

    22:45. "Barselona" (İspaniya) - "Atletiko" (Madrid, İspaniya)

    Baş hakim: Feliks Brıx (Almaniya)

    Barselona. "Kamp Nou"

    Qeyd edək ki, 1/4 final mərhələsinin ilk mərhələsinə aprelin 6-da keçiriləcək PSJ (Fransa) - "Mançester Siti" (İngiltərə) və "Volfsburq" (Almaniya) - "Real Madrid" (İspaniya) oyunları ilə yekun vurulacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi