Braziliyalı futbolçu ona oğru deyən xanım jurnalisti məhkəməyə verib

Bakı. 4 aprel. REPORT.AZ/ Yaponiyanın "Naqoya Qrampus" klubunda çıxış edən Jo xanım jurnalisti məhkəməyə verib.

"Report"un məlumatına görə, braziliyalı futbolçu media nümayəndəsindən 100 min dollar təzminat tələb edib. Buna səbəb jurnalistin hücumçunun əli ilə vurduğu qolu oğurluq hadisəsinə bənzətməsi olub.

Qeyd edək ki, 31 yaşlı futbolçu Braziliyanın "Korintians" klubunda çıxış edərkən "Vasko da Qama" ilə matçda əli ilə qol vuraraq komandasına qələbə qazandırıb - 1:0.