Yuxarı

Braziliya klubunun azarkeşlərinə stadionlara giriş qadağası qoyulub

Braziliya klubunun azarkeşlərinə stadionlara giriş qadağası qoyulub
Qərara əməl etməyən azarkeşlər 6 min avro cərimələnəcək

Bakı. 27 yanvar. REPORT.AZ/ Futbol üzrə Braziliya A Seriyasında çıxış edən "Korintians"ın 4 azarkeş qrupu cəzalandırılıb. "Report"un məlumatına görə, "Gavioes de Fiel", "Coringao Chopp", "Camisa 12" və "Pavilhao Nove" azarkeş qruplarının üzvlərinin idman fəaliyyəti ilə məşğul olan obyektlərə girişi qadağan olunub.

Qərar "Korintians" azarkeşlərinin iştirak etdiyi dava ilə bağlı məhkəmədə açıqlanıb. Bununla yanaşı, həmin qərara əməl etməyəcək hər bir azarkeş təxminən 6 min avro cərimələnəcək.

Qeyd edək ki, azarkeşlərin cəzalanması ilə bağlı qərar qəbul edən məhkəmənin hakimi Marselo Rubioli 10 gün əvvəl Rio-de-Janeyrodakı həbsxanaların birində saxlanılan 27 "Korintians" azarkeşinin sərbəst buraxılmasına qərar verib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi