Yuxarı

​"Borussiya" -"Qəbələ" matçında görünən Ermənistan bayrağı dərhal yığışdırılıb

Matçı 100-dək azərbaycanlı fanat izləyir

Bakı. 5 noyabr. REPORT.AZ/ Almaniyanın Dortmund şəhərinin BVB stadionunda keçirilən "Borussiya" - "Qəbələ" matçını azərbaycanlı azarkeşlər də izləyir.

"Report"un Almaniyaya ezam olunmuş əməkdaşının məlumatına görə, qonaq komanda üçün ayrılmış sektorda 100-dək fanat yer alıb.

Onlar əllərində Azərbaycan bayrağı tutmaqdan əlavə, tribunaya böyük Türkiyə bayrağı da səriblər. Amma həmin tərəfdarların səsi çoxsaylı yerli publikanın mahnı sədaları altında eşidilməz olub.

Bundan başqa, oyunun əvvəlində sektorlardan birində Ermənistan bayrağı görünüb. Amma həmin bayraq dərhal yığışdırılıb.

Qeyd edək ki, oyunda hesab 4:0 "Borussiya"nın xeyrinədir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi