Yuxarı

Bolqarıstan Futbol İttifaqının müvəqqəti prezidenti müəyyənləşib, baş məşqçinin istefası qəbul olunub

Bolqarıstan Futbol İttifaqının müvəqqəti prezidenti bəlli olub

Bolqarıstan Futbol İttifaqının (BFS) müvəqqəti prezidenti müəyyənləşib.

"Report"un məlumatına görə, İcraiyyə Komitəsinin iclasından sonra sabiq prezident Borislav Mixaylovun köməkçisi Mixail Kasabov bu vəzifəyə təyin olunub. İcraiyyə Komitəsi həmçinin əsas milli komandanın baş məşqçisi Krasimir Balakovun da istefasını qəbul edib. 

Kasabov yaxın vaxtlarda komandaya yeni baş məşqçinin təyin edəcək və qurumun növbədənkənar qurultayının tarixini açıqlayacaq. 

Qeyd edək ki, Bolqarıstan Futbol İttifaqının prezidenti İngiltərəyə uduzduqları (0:6) AVRO-2020-nin seçmə mərhələ matçında yaşananlardan sonra istefa verib. Həmin görüşdə bolqarıstanlı azarkeşlər irqçi davranışları ilə yadda qalıb. UEFA məsələ ilə bağlı intizam işi açıb. Bolqarıstan polisi stadionda hadisənin günahkarlarını axtarmaqda davam edir. Məsələ ilə bağlı 16 nəfər inzibati və cinayət məsuliyyətinə cəlb edilib. 

Xatırladaq ki, AVRO-2020-nin seçmə mərhələsində A qrupunda yer alan Bolqarıstan yığması seçmə mərhələdə 7 oyundan sonra 3 xalla sonuncu-beşinci pillədə qərarlaşıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi