Yuxarı

​"Bavariya" klubu portuqaliyalı futbolçu transfer edib

Münhen klubu Mats Hummelslə də anlaşıb

Bakı. 10 may. REPORT.AZ/ Almaniyanın "Bavariya" klubu ilk rəsmi transferini həyata keçirib. "Report"un klubun saytına istinadən məlumatına görə, Münhen təmsilçisi Portuqaliyanın "Benfika" klubunda çıxış edən Renatu Sançesi heyətinə cəlb edib.

18 yaşlı yarımmüdafiəçi 5 illik müqaviləyə imza atıb. Sançesin keçidi üçün "Bavariya" 35 milyon avro ödəyəcək.

Bundan başqa, Münhen təmsilçisi Dortmund "Borussiya"sında forma geyinən Mats Hummelslə də razılığa gəlib. 27 yaşlı müdafiəçi tezliklə müayinədən keçəcək. Bundan sonra tərəflər 5 illik müqaviləyə qol çəkəcəklər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi