"Barselona" İspaniya çempionatının 35-ci turunda "Levante"ni qəbul edib.
"Report" xəbər verir ki, qarşılaşma "Kamp Nou" stadionunda baş tutub və meydan sahiblərinin 1:0 hesablı qələbəsi ilə başa çatıb.
Qarşılaşmada yeganə qol 62-ci dəqiqədə vurulub. İkinci hissədə meydana çıxan meydan sahiblərinin hücumçusu Lionel Messi topu rəqib qapısından keçirib.
Bununla da 83 xal toplayan "Barselona" İspaniya çempionu olub. Bu, komandanın ölkə çempionatında 26-cı çempionluğudur.