Yuxarı

“Barselona” klubu rekord məbləğdə gəlir əldə edib

“Barselona” klubu rekord məbləğdə gəlir əldə edib
İspaniya nəhəngi 3 il ərzində gəliri 1 milyarda çatdırmaq niyyətindədir

Bakı. 18 iyul. REPORT.AZ/ İspaniyanın “Barselona” futbol klubu 2017/2018 mövsümündə 914 milyon avro gəlir əldə edib.

“Report” xəbər verir ki, bu, Kataloniya təmsilçisi üçün rekord göstəricidir. Bunadək ən böyük rəqəm ötən mövsüm qeydə alınıb – 708 milyon avro. “Barselona”nın 2017/2018 mövsümü üçün xərcləri isə 882 milyon avro təşkil edib. Vergilərin ödənilməsindən sonra klubun xalis qazancı 13 milyon avro olub.

Kataloniyalıların Direktorlar Şurası klubun 2021-ci ilə qədər inkişaf planını müəyyənləşdirib. İspaniya nəhəngi 3 il ərzində gəliri 1 milyarda çatdırmaq niyyətindədir.

Qeyd edək ki, “Barselona” 2017/2018 mövsümündə La Liqanın və Kral kubokunun qalibi olub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Xəbər lenti

Son xəbərlər



Orphus sistemi