Yuxarı

​"Barselona" klubu açılışda iştirak etmək üçün 2 milyon avro tələb edib

​"Barselona" klubu açılışda iştirak etmək üçün 2 milyon avro tələb edib
Trabzonspor təklifi dəyərləndirir

Bakı. 11 fevral. REPORT.AZ/ Türkiyənin "Trabzonspor" klubu "Akyazı" adlı yeni stadionun açılışı üçün İspaniyanın "Barselona" klubu ilə yoldaşlıq oyunu keçirmək istəyir. 

"Report"un məlumatına görə, bunun üçün kataloniyalılar Türkiyə klubundan 2 milyon avro tələb edib.

Klubun maliyyə məsələləri üzrə koordinatoru Emre Aksoy yerli mətbuata açıqlamasında təklifi dəyərləndirdiklərini söyləyib: ""Barselona" ilə açılış oyunu keçirmək üçün ödəniş etməliyik. Onlar 2 milyon avro istədilər. Böyük bir komandasansa, yoldaşlıq görüşündən pul qazanmalısan. Bu təklifi dəyərləndiririk".

E.Aksoy "Barselona"dan başqa ərəb klublarından biri ilə də oyun keçirmək istədiklərini bildirib.

Qeyd edək ki, "Trabzonspor"un yeni stadionu 42 minə yaxşın tamaşaçı tutur. Stadionun açılış tarixi hələlik müəyyənləşməyib.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi