"Barselona" futbol klubu Kataloniyanın müstəqilliyinə şərh verməyib

Bakı. 28 oktyabr. REPORT.AZ/ "Barselona" futbol klubu Kataloniya parlamentinin müstəqillik bəyannaməsi ilə bağlı rəsmi bəyanat yaymayacaq.

"Report" xəbər verir ki, bu barədə "Marca" məlumat yayıb.

Klubun prezidenti Xosep Mariya Bartomeu bildirib ki, klub əsasən Kataloniya hakimiyyəti tərəfindədir. Lakin onların bütün hərəkətlərini dəstəkləmir.

O, İspaniya və Kataloniyanı konstruktiv dialoqa çağırıb.

"Barselona"nın baş məşqçisi Ernesto Valverde isə bu mövzunu şərh etməkdən imtina edib. Baş məşqçi bildirib ki, onu ancaq futbol maraqlandırır.