Yuxarı

Bakının ​"İnter" klubu yeni saytını qeyri-adi formada təqdim edib

Komandanın 3 futbolçusunun rəmzi düyməni basması ilə saytın faəliyyəti aktivləşib

Bakı. 12 mart. REPORT.AZ/ Bu gün "İnter" klubu rəsmi saytının təqdimat mərasimini keçirib. "Report"un məlumatına görə, tədbirdə klub prezidenti Rəşad Qasımov, baş sponsor Azərbaycan Beynəlxalq Bankın nümayəndələri və media mənsubları iştirak edib.

R.Qasımov əvvəlcə "İnter"in üzləşdiyi çətinliklərdən və son zamanlar görülən işlərdən danışıb. O, Azərbaycan futbolunun inkişafına çalışdıqlarını və AFFA və Peşəkar Futbol Liqasının da dəstəyini hiss etdiklərini vurğulayıb: "Çünki klubların inkişafın da onların da rolu var".

Daha sonra komandanın 3 futbolçusu - Ruslan Əmircanov, İlkin Qırtımov və Fuad Bayramov qonaqlar önünə dəvət edilib və onların rəmzi düyməni basması ilə saytın fəaliyyəti aktiv olunub.

Ardınca tədbir iştirakçılarına klubun mətbuat xidmətnin rəhbəri Səbuhi Məmmədov ətraflı məlumat verib və sayt haqda videoçarx nümayiş etdirilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi