Yuxarı

​Bakıdakı Avropa çempionatına daha 2 vəsiqə qazanılıb

Danimarka və Serbiya yarışda iştirak hüququna yiyələnib

Bakı. 31 mart. REPORT.AZ/ Bakıda 17 yaşadək futbolçular arasında keçiriləcək Avropa çempionatına daha 2 vəsiqə sahibini tapıb.

"Report"un məlumatına görə, Danimarka və Serbiya mayın 5-də start götürəcək yarışda iştirak hüququna yiyələnib.

Onlar elit-raundda müvafiq olaraq, 1-ci və 7-ci qruplarda ilk 2 turdan sonra hərəyə 6 xalla qrup liderliyini ələ keçiriblər. Aprelin 2-də keçiriləcək son tur qarşılaşmalarının nəticələri bu komandaların Bakıya gəlişinə maneçilik törətməyəcək.

Beləliklə, mayın 21-dək davam edəcək qitə çempionatının 16 iştirakçısından 12-si müəyyənləşib. Daha öncə bu hüququ təşkilatçı Azərbaycan yığması, eləcə də Hollandiya, Almaniya, İngiltərə, Ukrayna, Portuqaliya, İsveç, Belçika, İtaliya, Bosniya və Herseqovina da qazanıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi