Yuxarı

Azərbaycanlı hücumçu Almaniya klubu ilə müqavilə bağlayıb

Azərbaycanlı hücumçu Almaniya klubu ilə müqavilə bağlayıb 361
“Proyssen Myunster” 32 turdan sonra 39 xalla 13-cü pillədə qərarlaşıb

Bakı. 6 aprel. REPORT.AZ/ Azərbaycan milli komandasının sabiq futbolçusu Rüfət Dadaşov klubunu dəyişib.

“Report” xəbər verir ki, hazırda Almaniyanın Regional Liqasının Şimal-Şərq zonasında (IV divizion) Berlin "Dinamo"sunun formasını geyinən 28 yaşlı hücumçu “Proyssen Myunster” klubu ilə iki illik müqavilə bağlayıb.

Dadaşov Almaniyanın III liqasında çıxış edən yeni komandasına cari mövsüm başa çatandan sonra qoşulacaq. Azərbaycan yığmasına yenidən dəvət alması gündəmdə olan forvard hazırda Regional Liqanın bombardiridir. O, 24 matçda 23 qol vurub.

“Proyssen Myunster” 32 turdan sonra 39 xalla 13-cü pillədə qərarlaşıb.

Qeyd edək ki, Rüfət Dadaşov 2013-2014-cü illərdə Azərbaycan millisinin heyətində ümumilikdə 16 oyunda iştirak edib və 4 qol vurub. Hazırda milliyə onun qardaşı Renat Dadaşov dəvət alır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi