Azərbaycanda oynamış futbolçu Moldova klubunun baş məşqçisi oldu

Moldovanın "Kodru" komandasının yeni baş məşqçisi müəyyənləşib.

"Report"un klubun rəsmi saytına istinadən məlumatına görə, Lozova təmsilçisi Denis Kalinkova tapşırılıb.

Bu vəzifədə Simeon Bulqarunu əvəzləyən 35 yaşlı mütəxəssislə 2 illik müqavilə imzalanıb.

Moldovalı veteran yarımmüdafiəçi daha əvvəl ölkəsinin "Spikul" komandasına başçılıq edib.

Qeyd edək ki, Denis Kalinkov futbolçu karyerasında Azərbaycanda "Xəzər Lənkəran"ın formasını geyinib. O, 2009/2010 mövsümündə Cənub təmsilçisində çıxış edib.