Yuxarı
    Bağlamaq

    ​Azərbaycanda daha iki futbol komandası fəaliyyətini dayandırıb

    Xəzər Lənkəran U-16 Liqasından çəkilib

    Bakı. 19 yanvar. REPORT.AZ/ Azərbaycanın iki futbol komandası fəaliyyətini dayandırıb. "Report"un məlumatına görə, bunlar U-15 liqasında mübarizə aparan "Təhsil" və "Xəzər Lənkəran"ın U-16 komandalarıdır.

    Lənkəran klubundan bildirilib ki, U-16 komandası U-17 ilə birləşdirilib. Bununla da sözügedən komanda U-16 liqasından çəkilib.

    AFFA-nın İntizam Komitəsinin bu gün keçirilmiş iclasında "Təhsil"in də çempionatdan kənarlaşdırılmasına qərar verilib. Komitə klubun çempionatdan çəkilmək haqda müraciətini qəbul edərək onları U-15 liqasından xaric edib və bütün qalan oyunlarına 0:3 hesablı texniki məğlubiyyət verilib. Eyni cəzanın yaxın vaxtlarda "Xəzər Lənkəran"ın U-16 komandasına da tətbiq ediləcəyi gözlənilir. 

    Qeyd edək ki, iki ay öncə Yardımlı "Dinamo"sunun U-14 və U-13, "Lerik Zirvə"nin U-14 və "Sərhədçi"nin U-13 komandaları da müvafiq liqalardan kənarlaşdırılıblar. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi