Bakı. 7 yanvar. REPORT.AZ/ Yanvarın 8-də Rusiyanın Sankt-Peterburq şəhərində start götürəcək Valentin Qranatkinin xatirə turniri üçün Azərbaycanın 1999-cu il təvəllüdlü futbolçulardan ibarət yığma komandasının heyəti açıqlanıb. "Report"un AFFA-nın rəsmi saytına istinadən verdiyi məlumata görə, baş məşqçi Təbriz Həsənov qonşu ölkəyə 20 futbolçu aparıb.
Onlardan 5-i legionerdir. Komandaya Bakı "İnter"indən 6, "Neftçi"dən 5, "Qəbələ"dən 3, "Sumqayıt"dan isə 1 futbolçu çağırılıb.
SOYAD, AD | KLUB |
İbrahimov Kamran | Neftçi |
Daşdəmirov Rəhman | Neftçi |
Əliyev İbrahim | Neftçi |
Həziyev Bahadur | Neftçi |
Mehdiyev Pilağa | Neftçi |
Qayalı Murad | İnter |
Həsənov Yusif | İnter |
Qarayev Ricat | İnter |
Muxtarlı Ceyhun | İnter |
Qədirzadə İbrahim | İnter |
Məhərrəmli Rafael | İnter |
Əhmədov Süleyman | Sumqayıt |
Popov Murad | Qəbələ |
Sadıxov Əli | Qəbələ |
Nəbiyev Fərid | Qəbələ |
Seylığlı Hüseyin | Beşiktaş (Türkiyə) |
Güler Metin | Beşiktaş (Türkiyə) |
Karakaş İsmail | Trabzonspor (Türkiyə) |
Öksüz Doğukan | Trabzonspor (Türkiyə) |
Ekincier Barış | Rot-Weiss Essen (Almaniya) |
Qeyd edək ki, C qrupunda yer alan Azərbaycan yığması ilk görüşünü yanvarın 9-da Litvaya qarşı keçirəcək. Oyun Bakı vaxtı ilə saat 13:00-da başlanacaq. Yanvarın 11-də eyni saatda start götürəcək matçda rəqib Qazaxıstan olacaq. Yanvarın 13-də saat 15:15-də isə Təbriz Həsənovun komandası Slovakiya ilə üz-üzə gələcək. 4 qrupda ilk 2 yeri tutanlar 1/4 finala yüksələcəklər. Sonrakı 2 pillənin sahibləri isə 9 - 16-cı yerlər uğrunda mübarizə aparacaqlar.