Yuxarı
    Bağlamaq

    Azərbaycan Premyer Liqasının III turunun təxirə salınmış oyunu keçiriləcək

    Qəbələ doğma azarkeşlər önündə Sumqayıtla üz-üzə gələcək

    Bakı. 22 sentyabr. REPORT.AZ/ Bu gün Azərbaycan Premyer Liqasının III turundan təxirə salınmış "Qəbələ" - "Sumqayıt" oyunu keçiriləcək. "Report"un məlumatına görə, görüş Qəbələ şəhər stadionunda baş tutacaq.

    Azərbaycan çempionatları tarixində komandalar 16 dəfə üz-üzə gəlib. Bunların 12-də "Qəbələ", 1-də "Sumqayıt" qələbəyə sevinib, 3 matç isə bərabərliklə yekunlaşıb. "Gənclik şəhəri" təmsilçisi sonuncu dəfə 2013/2014 mövsümündə avqustun 19-da keçirilmiş görüşdə "Qəbələ"ni məğlub edə bilib. Həmin gündən əyalət təmsilçisi 8 qələbə qazanıb və 3 heç-heçə qeydə alınıb. Komandaların bir-birinin qapısına vurduğu toplarda da "Qəbələ" üstün tərəfdir - 32:11.

    Bu görüşdə meydan sahibləri qələbə qazanacağı təqdirdə, turnir cədvəlinin birinci pilləsinə yüksələcək. Aktivində 10 xal Roman Qriqorçukun rəhbərlik etdiyi komanda xal ehtiyatını 13-ə çatdıraraq lider "Qarabağ"ı bir xal qabaqlayacaq. Samir Abasovun komandası isə səfər qələbəsi sayəsində 7 xalla turnir cədvəlinin 4-cü pilləsinə yüksələcək.

    Heç-heçə komandaların mövqeyində dəyişiklik etməyəcək. Nəticədə "Qəbələ" 11 xalla "İnter"lə 2-3-cü yerləri bölüşəcək, "Sumqayıt" 5 xalla 6-cı pillədə olacaq.

    Azərbaycan Premyer Liqası, III tur, təxirə salınmış oyun

    22 sentyabr 

    17:00. "Qəbələ" – "Sumqayıt"

    Hakimlər: Rauf Cabbarov, Mübariz Haşımov, Rahil Ramazanov, Rəvan Həmzəzadə

    AFFA nümayəndəsi: Abbas Hüseynov

    Hakim-inspektor: Şahin Cəfərov

    Qəbələ şəhər stadionu (CBC Sport)

    NKLUBLAROQHMT-FX
    1"Qarabağ"540114-212
    2"İnter"53208-511
    3"Qəbələ"431013-010
    4"Kəpəz"51315-56
    5"Zirə"52034-66
    6"Sumqayıt"41123-54
    7"Neftçi"51043-143
    8AZAL50141-141

    Bombardirlər:

    Baqali Dabo ("Qəbələ") - 4 qol

    Ruslan Abışov ("İnter") - 3 qol

    Reynaldo Silva ("Qarabağ") - 3 qol

    Vaqif Cavadov ("Sumqayıt") - 3 qol

    Ruslan Qurbanov ("Qəbələ") - 3 qol

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi