Yuxarı
    Bağlamaq

    ​Azərbaycan Premyer Liqasında XXII tura yekun vurulub

    Roman Qriqorçukun komandası ardıcıl üçüncü məğlubiyyətini alıb

    Bakı. 15 fevral. REPORT.AZ/ Bu gün Azərbaycan Premyer Liqasında XXII turun oyunları keçirilib.

    "Report"un məlumatına görə, bütün görüşlər eyni gündə baş tutub.

    Turun açılış oyununda "Sumqayıt" və AZAL komandaları üz-üzə gəlib. "Gənclik şəhəri" təmsilçisi ilə "təyyarəçilər" arasında keçirilən görüş qolsuz bərabəliklə yekunlaşıb.

    Günün ikinci görüşündə paytaxt derbisi baş tutub. "İnter Arena"da keçirilən qaşılaşmada "İnter" "Bakı" ilə münasibətlərinə aydınlıq gətirib. Turnir cədvəlinin ikinci pilləsində qərarlaşan "bankirlər" autsayderi darmadağın edib - 4:0.

    Tofiq Bəhramov adına Respublika Stadionunda "Qarabağ" "Simurq"u qəbul edib. Zaqatala təmsilçisi ilə görüşdə ağdamlılar qələbə qazanıb - 1:0.

    Mərkəzi arenada keçirilən qarşılaşma ilə eyni saatda "Qəbələ" - "Neftçi" matçı start götürüb. Hesabı meydan sahiblərinin açmasına baxmayaraq, paytaxt təmsilçisi 3:1 hesabı ilə inamlı qələbə qazanıb.

    15 fevral

    16:00. "Sumqayıt" - AZAL 0:0

    17:00. "İnter" - "Bakı" 4:0

    Qollar: Baçana Sxadadze, 3 (P). Əfran İsmayılov, 7; 38. Junior Nildo, 54

    18:00. "Qarabağ" - "Simurq" 1:0.

    Qollar: Reynaldo, 21.

    18:00. "Qəbələ" - "Neftçi" 1:3.

    Qollar: Viktor Mendi, 10 - Julius Vobay, 58. Denis Silva, 72. Flavinyo, 87.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi