Yuxarı

​Azərbaycan Premyer Liqasında IV turun oyunları keçiriləcək

İlk oyun günündə 3 oyun baş tutacaq

Bakı. 12 sentyabr. REPORT.AZ/ Bu gün futbol üzrə Azərbaycan Premyer Liqasının IV turuna start veriləcək. "Report"un məlumatına görə, turun ilk oyun günündə 3 qarşılaşma baş tutacaq.

Tur Gəncədə keçiriləcək "Kəpəz" - AZAL oyunu ilə start götürəcək. Komandalar hazırda müvafiq olaraq turnir cədvəlinin 9 və 10-cu pilləsində qərarlaşıb. Gəncə təmsilçisinin aktivində 2 xal var. "Təyyarəçilər" isə 3 turda bir xal belə qazana bilməyib.

"İnter" və "Qəbələ" komandalarının qarşılaşması isə saat 20:00-da başlayacaq. 3 oyunda 4 xal qazanan "bankirlər" doğma meydanda 3 xal qazanarsa, turnir cədvəlindəki mövqeyini yaxşılaşdıra bilər.

Günün son oyununda isə "Qarabağ" və "Xəzər Lənkəran" komandaları üz-üzə gələcək. Tofiq Bəhramov adına Respublika Stadionunda ot örtüyü ilə bağlı təmir işləri getdiyindən, komandalar Mərdəkan qəsəbəsində yerləşən "Dalğa Arena"da üz-üzə gələcəklər. "Qarabağ" qələbə sayəsində turnir cədvəlinin liderlik mövqeyini qoruyacaqsa, cənublular 3 xal qazanarsa, siyahının ilk üçlüyündə qalacaq.

12 sentyabr (şənbə)

16:00. "Kəpəz" – AZAL

Hakimlər: Fariz Yusifov, Coşqun Həsənov, Azər Əsgərov, Rza Məmmədov

Əlavə köməkçi hakimlər: Rauf Cabbarov, Xəlil Xəlilov

AFFA nümayəndəsi: Maşallah Əhmədov

Hakim-inspektor: Əli Hüseynov

Gəncə şəhər stadionu

20:00. "İnter" – "Qəbələ"

Hakimlər: Rəhim Həsənov, Munis Abdullayev, Vüqar Bayramov, Rəvan Həmzəzadə

AFFA nümayəndəsi: Vaqif Davudov

Hakim-inspektor: Gülağa Cabbarov

"İnter Arena"

20:30. "Qarabağ" – "Xəzər Lənkəran"

Hakimlər: Ramil Diniyev, Vüsal Qənbərov, İsgəndər Əliyev, Nail Nağıyev

AFFA nümayəndəsi: Ramiz Mustafayev

Hakim-inspektor: Rövşən Əhmədov

"Dalğa Arena"

Qeyd edək ki, turun qalan oyunları sabah keçiriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi