Yuxarı
    Bağlamaq

    Azərbaycan Premyer Liqasında ilk turun son 2 oyunu keçirilib

    Zirədə eyniadlı komanda debütant Səbaili qəbul edib

    Bakı. 13 avqust. REPORT.AZ/ Azərbaycan Premyer Liqasında ilk turun son 2 oyunu keçirilib. 

    "Report"un məlumatına görə, Zirədə eyniadlı komanda debütant "Səbail"i qəbul edib.

    Görüş meydan sahiblərinin qələbəsi ilə yekunlaşıb. Hesabı artıq 3-cü dəqiqədə Milan Düriç açıb. Bundan 6 dəqiqə sonra meydan sahibləri növbəti qol imkanı qazanıblar. Lakin Riçard Qadze penaltini dəqiq yerinə yetirə bilməyib. Bununla belə, Qadze 17-ci dəqiqədə "Səbail"in qapıçısı Emil Balayevin kobud səhvindən yararlanaraq, fərqi artırıb. Qonaqlar təsəlli qolunu 43-cü dəqiqədə vurub. "Səbail"in yeni transferi Vüqar Nadirov uzaq məsafədən dəqiq zərbə ilə yekun nəticəni müəyyənləşdirib.

    "Sumqayıt" - "Kəpəz" matçında da meydan sahibləri eyni hesabla qalib gəliblər. Hələ 16-cı dəqiqədə meydan sahiblərinin yeni transferi Cavid İmamverdiyev gözəl qola imza atıb. 52-ci dəqiqədə qonaq komandanın nigeriyalı legioneri Viktor Oseqeyl "Sumqayıt" müdafiəçilərinin səhvindən yararlanaraq, hesabı bərabərləşdirib. Lakin 74-cü dəqiqədə Amil Yunanov matçda son nöqtəni qoyub.

    Bu, turun 2:1 hesabı ilə nəticələnən 3-cü oyunu olub. Daha əvvəl "Qəbələ" səfərdə "İnter"i belə hesabla yenib. Turun açılış oyununda isə "Neftçi" evdə "Qarabağ"a uduzub - 1:3. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi