Yuxarı

Azərbaycan millisinin San Marino ilə oyun üçün heyəti açıqlanıb

Baş məşqçi yığmaya 25 futbolçu dəvət edib

Bakı. 22 avqust. REPORT.AZ/ Azərbaycan millisinin DÇ-2018-in seçmə mərhələsi çərçivəsində San Marinoya qarşı keçirəcəyi oyun üçün heyəti açıqlanıb.

"Report" AFFA-nın rəsmi saytına istinadən xəbər verir ki, baş məşqçi Robert Prosineçki yığmaya 25 futbolçu dəvət edib.

Yığma komandaya Kamran Ağayev ("Sumqayıt"), Anar Nəzirov, Elvin Məmmədov (hər ikisi "Zirə"), Səlahət Ağayev, Ruslan Abışov, Tərlan Quliyev, Ağabala Ramazanov (hamısı "İnter"), Maksim Medvedev, Bədavi Hüseynov, Rəşad Sadıqov, Arif Daşdəmirov, Rahid Əmirquliyev, Qara Qarayev, Əfran İsmaylov, Mahir Mədətov, Namik Ələskərov (hamısı "Qarabağ"), Pavel Paşayev ("Stal", Ukrayna), Maqomed Mirzabekov ("Qəbələ"), Rəhman Hacıyev, Araz Abdullayev, Ruslan Qurbanov ("Neftçi"), Dmitri Nazarov ("Ertsqebirqe Aue", Almaniya), Eddi İsrafilov ("Kadis", İspaniya), Emin Mahmudov ("Boavişta", Portuqaliya), Ramil Şeydayev ("Trabzonspor", Türkiyə) cəlb olunub.

Qarşılaşma sentyabrın 4-də San Marinoda keçiriləcək.

Azərbaycan milli komandası oyundan 2 gün öncə adı çəkilən ölkəyə yola düşəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi