Yuxarı
    Bağlamaq

    Azərbaycan millisinin futbolçusu yenidən "Bursaspor"un əsas komandasından kənarlaşdırılıb

    Səbəb kimi Deniz Yılmazın nizam-intizamı pozması göstərilib

    Bakı. 8 may. REPORT.AZ/ Azərbaycan milli komandasının futbolçusu Deniz Yılmaz yenidən Türkiyənin "Bursaspor" klubunun əsas komandasından kənarlaşdırılıb.

    "Report"un məlumatına görə, bu barədə baş məşqçi Adnan Örnekin müraciəti əsasında klub rəhbərliyi qərar verib. 29 yaşlı hücumçu "Çaykur Rizespor"la Türkiyə Super Liqası matçına aparılmayıb. Səbəb kimi təcrübəli forvardın nizam-intizamı pozması göstərilib. Görüş isə "Çaykur Rizəspor"un böyük hesablı qələbəsi ilə yekunlaşıb - 6:0.

    Qeyd edək ki, Deniz Yılmaz ilk dəfə fevralın 18-də oyun zamanı rəqib futbolçunu bilərəkdən vuraraq, qırmızı vərəqə aldığı və komandasını çətin vəziyyətdə qoyduğu üçün əsas komandadan kənarlaşdırılıb. Lakin o, 5 gün sonra bağışlanılaraq, heyətə qaytarılıb. Yılmazın "Bursaspor"la hazırkı müqaviləsi 2019-cu ilin iyununda başa çatacaq. Hücumçu bu mövsüm 21 oyunun 11-də meydana əsas heyətdə çıxıb, Türkiyə Kuboku da daxil olmaqla, 5 qol vurub, 3 sarı, 1 qırmızı vərəqə alıb.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi