Yuxarı

​Azərbaycan millisi Kanada ilə qarşılaşacaq

İki komanda tarixdə ilk dəfə üz-üzə gələcək

Bakı. 3 iyun. REPORT.AZ/ Futbol üzrə Azərbaycan milli komandası bu gün Avstriyadakı təlim-məşq toplanışı çərçivəsində Kanada yığması ilə qarşılaşacaq. "Report"un məlumatına görə, bu, Robert Prosineçkinin rəhbərlik etdiyi komandanın hazırlıq prosesində sonuncu yoldaşlıq görüşü olacaq.

İlk oyunda Andorra ilə qolsuz heç-heçəyə razılaşan milli ardınca Makedoniyaya məğlub olub - 1:3.

Martın 26-da Qazaxıstana 0:1 hesablı məğlubiyyəti də nəzərə alsaq, Azərbaycan millisi builki yoldaşlıq görüşlərində qalib gələ bilməyib. Kanada isə daha zəif statistikaya malikdir. Benito Floronun rəhbərlik etdiyi komanda son 4 matçında nəinki qələbə qazanıb, hətta qol vura bilməyib. 2015-ci ilin noyabrında keçirilmiş dünya çempionatının Şimali və Mərkəzi Amerika üzrə seçmə mərhələ oyunlarında Salvadorla qolsuz heç-heçə edən Kanada bu ilin fevralında yoldaşlıq görüşündə ABŞ-a 0:1 hesabı ilə məğlub olub, ardından Meksika ilə bacarmayıb - 0:3, 0:2. 

Qeyd edək ki, indiyədək Azərbaycan və Kanada milliləri qarşılaşmayıb. Bakı vaxtı ilə saat 21:00-da başlanacaq görüş Avstriya toplanışında sonuncu olacaq. 

21:00. Azərbaycan - Kanada 

Baş hakim: Saşa Amhof 

Baş hakimin köməkçiləri: Stefane De Almeyda, Vital Jobin 

Dördüncü hakim: Adrien Cakkottet (Hamısı İsveçrə) 

Avstriya, "Rorbax" stadionu

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi