Yuxarı
    Bağlamaq

    Azərbaycan kubokunda yarımfinal mərhələsinin ilk oyunları keçiriləcək

    İnter Qəbələni, Neftçi isə Qarabağı qəbul edəcək

    Bakı. 30 mart. REPORT.AZ/ Bu gün futbol üzrə Azərbaycan kubokunda yarımfinal mərhələsinin ilk oyunları keçiriləcək.

    "Report"un məlumatına görə, mübarizəni davam etdirən dörd Premyer Liqa klubu paytaxtda üz-üzə gələcək.

    Finala vəsiqə qazanmaq uğrunda savaşan kollektivlər yarışa 1/8 final mərhələsində qoşulublar və ilk rəqibləri I divizion təmsilçiləri olub. Növbəti mərhələdə isə elita komandalarını üstələyiblər.

    "İnter" "Qaradağ Lökbatan"la "Kəpəz"i məğlub edibsə, "Qəbələ" "Zaqatala" və AZAL-dan güclü olub. "Neftçi" danışılmış oyunlara görə I divizondan kənarlaşdırılan "Şərurspor"la "Zirə"ni keçdiyi halda, Azərbaycan kubokunun son qalibi "Qarabağ""Səbail" və "Sumqayıt"ı durdurub.

    Maraqlıdır ki, ötən mövsümdə də yarımfinalçılar hazırkı "4-lük" idi. Lakin həmin vaxt "İnter" "Qarabağ"la, "Neftçi" isə "Qəbələ" ilə düşmüşdü. Həlledici görüşə gəlincə, Ağdam klubu finalda 80 illik yubileyini qeyd edən "ağ-qaralar"ı əlavə vaxtda vurulan bir qolla məğlub edib.

    Azərbaycan kubokunun yarımfinalçıları cari mövsümdə 4-cü dəfə qarşılaşacaqlar. Əvvəlki 3 görüş Premyer Liqanın ilk 3 dövrəsinə təsadüf edib və həmin matçların ümumi hesabında qonaq komandalar üstündür.

    "Qarabağ" "Neftçi"ni 2 dəfə məğlub etdiyi halda (3:0, 2:0), 1 oyunda heç-heçə qeydə alınıb (1:1). "İnter"lə "Qəbələ"nin 3 duelindən 2-sində qalib müəyyənləşməyib (0:0, 1:1). Digər matçda isə əyalət klubu "İnter Arena"da 2 cavabsıq qolla zəfər çalıb.

    Hər iki oyun "CBC Sport” kanalı ilə canlı yayımlanacaq. Yarımfinal mərhələsinin cavab matçları aprlein 5-də keçiriləcək.

    Azərbaycan kuboku

    Yarımfinal, ilk oyunlar

    30 mart (cümə axşamı)


    17:00 "İnter” – "Qəbələ”

    Hakimlər: Elvin Əsgərov, Vaqif Musayev, Mehman Mahmudov, Ömər Paşayev

    AFFA nümayəndəsi: Arif Fərəcov

    Hakim-inspektor: Əli Hüseynov

    "İnter Arena”

    19:30 "Neftçi” – "Qarabağ”

    Hakimlər: Əliyar Ağayev, Zeynal Zeynalov, Rza Məmmədov, Rəhim Həsənov

    AFFA nümayəndəsi: Ramiz Mustafayev

    Hakim-inspektor: Murad Məmmədov

    "Bakcell Arena”

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi