Yuxarı
    Bağlamaq

    Azərbaycan çempionatı: "Neftçi" "Qəbələ"ni məğlub edib - VİDEO

    Oyunun taleyini bir qol həll edib

    Bakı. 14 mart. REPORT.AZ/ Futbol üzrə Azərbaycan Premyer Liqasında XXII tura "Neftçi" - "Qəbələ" matçı ilə yekun vurulub.

    "Report"un məlumatına görə, "Bakcell Arena"da keçirilmiş turun mərkəzi görüşünün taleyini bir qol həll edib.

    Namiq Ələsgərov 39-cu dəqiqədə dəqiq zərbə ilə "Neftçi"yə qələbə qazandırıb - 1:0. Beləliklə, turun bütün qarşılaşmaları meydan sahiblərinin minimal hesablı qalibiyyəti ilə yekunlaşıb. Bunadək "Kəpəz" "Zirə"ni, "İnter" "Sumqayıt"ı, "Qarabağ" isə AZAL-ı bir qolla üstələyib.

    Bu məğlubiyyətdən sonra "Qəbələ" liderliyi əldən verib. Əvəzində "Qarabağ" 48 xalla 1-ci pilləyə yüksəlib və ən yaxın izləyicisini 2 xal geridə qoyub. "Neftçi" isə xallarını 23-ə yüksəldərək, yenidən 6-cı pilləyə qayıdıb.

    Azərbaycan Premyer Liqası

    XXII tur

    14 mart (çərşənbə axşamı)

    17:00 "Qarabağ” – AZAL - 1:0

    Qol: Dino Ndlovu, 68

    Hakimlər: Rəhim Həsənov, Yaşar Abbasov, Rahil Ramazanov, Ramil Diniyev

    AFFA nümayəndəsi: Sakin Məmmədzadə

    Hakim-inspektor: Xaqani Məmmədov

    "Azersun Arena”

    İlk 3 dövrə - 6:0, 1:0 və 2:1

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi