Azarkeş Ronaldu ilə şəkil çəkdirmək üçün diz çöküb - VİDEO

AVRO-2020-nin seçmə mərhələsinin Litva - Portuqaliya matçında azarkeşlərdən biri meydana daxil olub. 

"Report"un məlumatına görə, fanat qonaq komandanın ulduz futbolçusu Kriştianu Ronaldu ilə selfi çəkdirmək üçün diz çöküb. 

Stüardlar azarkeşi 34 yaşlı hücumçudan uzaqlaşdırmağa çalışıblar. Lakin İtaliya "Yuventus"unda çıxış edən forvard fanatın onunla şəkil çəkdirməsinə icazə verib. 

Qeyd edək ki, qarşılaşma Portuqaliya yığmasının 5:1 hesablı qələbəsi ilə bitib. Qollardan 4-nü məhz Ronaldu vurub.