Bakı. 22 iyul. REPORT.AZ/ Avstriyada Almaniyanın "Ayntraxt" və İngiltərənin "Lids" komandaları arasında keçirilmiş yoldaşlıq görüşü azarkeşlərin davası ilə yekunlaşıb. "Report"un məlumatına görə, matçın ardından fanatlar kütləvi toqquşmada iştirak ediblər.
Davada "Ayntraxt"ın 200, "Lids"in 700 tərəfdarı vuruşub. Matç "Ayntraxt"ın qələbəsi ilə yekunlaşıb - 2:1.
Qeyd edək ki, qalib komandanın heyətində Azərbaycan yığmasının qapıçısı Emil Balayev yer almayıb.