Bakı. 8 sentyabr. REPORT.AZ/ Bu gün AVRO-2016-nın seçmə qrup mərhələsində VIII tura yekun vurulacaq. "Report"un məlumatına görə, turun son oyun günündə 3 qrupda 9 oyun keçiriləcək.
G qrupunda yer alan Rusiya yığması səfərdə Lixtenşteynlə münasibətlərinə aydınlıq gətirəcək. Hazırda 11 xalla qrup 3-cüsü olan Rusiya qələbə sayəsində İsveç və Avstriya milliləri arasında keçiriləcək qrupun digər qarşılaşmasının nəticəsindən asılı olaraq, 2-ci pilləyə yüksələ bilər. Bunun üçün qonaqlar da qalib gəlməlidirlər.
E qrupunda İngiltərə İsveçrəni, Litva San-Marinonu, Sloveniya isə Estoniyanı qəbul edəcək. Artıq qrup mərhələsi San-Marino üçün heç bir əhəmiyyət daşımasa da, İngiltərə yığması növbəti mərhələyə vəsiqəni təmin edib. Qrupun prinsipial qarşılaşması Sloveniya və Estoniya milliləri arasında keçiriləcək. Bu oyunda qalib tərəf 3-cü yerin sahibi kimi "pley-off"da iştirak baxımından, böyük üstünlük əldə edəcək. Heç-heçə isə bu pillənin hazırkı sahibi Estoniyaya sərf edir.
C qrupunda ən azı "pley-off" mərhələ iştirakçıları müəyyənləşsə də, seçmə mərhələni ilk 2 pillədə məhz hansı komandaların tutacağı naməlum olaraq qalır. Hazırda qrup lideri olan İspaniya autsayder Makedoniya ilə qarşılaşacaq. İlk pilləni qorumaq üçün son Avropa çempionları mütləq qələbə qazanmalıdırlar. Qrupun ən çox maraq kəsb edən oyunu Slovakiya və Ukrayna yığmaları arasında olacaq. Meydan sahibləri qalib gəlsə, final mərhələsinə birbaşa vəsiqəni böyük ölçüdə təmin edəcək.
AVRO-2016
Seçmə qrup mərhələsi, VIII tur
C qrupu
23:45. Belarus - Luksemburq
Baş hakim: Slavko Vinçiç, (Sloveniya)
Borisov. "Borisov Arena"
23:45. Makedoniya - İspaniya
Baş hakim: Paolo Talyavento (İtaliya)
Skopye. II Filipp Makedonski stadionu
23:45. Slovakiya - Ukrayna
Baş hakim: Martin Atkinson (İngiltərə)
Jilina. Jilina stadionu
Xal durumu: İspaniya - 18, Slovakiya - 18, Ukrayna - 15, Belarus - 4, Luksemburq - 4, Makedoniya - 3.
E qrupu
23:45. Sloveniya - Estoniya
Baş hakim: Таsоs Sidiropulos (Yunanıstan)
Maribor. "Lyudski" stadionu
23:45. Litva - San Marino
Baş hakim: Kleyton Pizani (Маlta)
Vilnüs. FFL stadionu
23:45. İngiltərə - İsveçrə
Baş hakim: Canluka Rokki (İtaliya)
London. "Uembli" stadionu
Xal durumu: İngiltərə - 21, İsveçrə - 15, Estoniya - 10, Sloveniya - 9, Litva - 6, San Marino 1.
G qrupu
23:45. Lixtenşteyn - Rusiya
Baş hakim: Bobbi Madden (Şotlandiya)
Vaduts. Raynpark stadionu
23:45. İsveç - Avstriya
Baş hakim: Karlos Velasko Karbalyo (İspaniya)
Solna. "Frends Аrеnа"
23:45. Moldova - Montoneqro
Baş hakim: Sebastyen Delferye (Belçika)
Kişinyov. "Zimbru" stadionu
Xal durumu: Avstriya - 19, İsveç - 12, Rusiya - 11, Montoneqro - 8, Lixtenşteyn - 5, Moldova - 2.