"Audi" "Barselona"nın futbolçularına avtomobillər bağışlayıb

Bakı. 1 dekabr. REPORT.AZ/ "Barselona"nın futbolçuları "Audi" markalı avtomobillər alıblar.

"Report"un məlumatına görə, bu barədə klubun saytı xəbər verib

Xəbərdə qeyd edilir ki, alman brendi Katalon klubunun partnyorudur və hər il futbolçulara avtomobillər bağışlayır.

Qeyd edək ki, İspaniya çempionatının 13-cü turundan sonra "Barselona" 35 xal yığaraq, ikinci yerdə qərarlaşan "Valensiya"nı 4 xalla qabaqlayıb. Madridin "Real" klubu 27 xalla "Atletiko" ilə 3-4-cü yerləri bölüşür.