"Arsenal" "Qarabağ"la oyun üçün Bakıya yola düşüb - FOTO

Bakı. 3 oktyabr. REPORT.AZ/ İngiltərənin "Arsenal" klubu Avropa Liqasının qrup mərhələsinin II turunda "Qarabağ"la keçirəcəyi oyun üçün Bakıya yola düşüb. 

"Report" xəbər verir ki, bu barədə klubun rəsmi saytı məlumat yayıb. London təmsilçisi 5 saatlıq uçuşdan sonra Bakıya çatacaq. Komandanın baş məşqçisi Unay Emeri 18:00-da Bakı Olimpiya Stadionunda mətbuat konfransı keçirəcək. Saat 18:30-da isə komandanın mətbuat üçün açıq məşqi təşkil olunacaq. 

Qeyd edək ki, oktyabrın 4-də Bakı Olimpiya Stadionunda keçiriləcək "Qarabağ” - ”Arsenal” oyunu saat 20:55-də başlayacaq.