Avropa Liqası: "Arsenal" "Valensiya"ya qarşı oyuna futbolçu itkisi ilə çıxacaq

İngiltərənin "Arsenal" klubu İspaniya "Valensiya"sına qarşı Avropa Liqasının ilk yarımfinal matçına futbolçu itkisi ilə çıxacaq.

"Report"un məlumatına görə, Aaron Remsi 2 may qarşılaşmasını zədə ilə əlaqədar buraxmalı olacaq.

Uelsli yarımmüdafiəçi aprelin 18-də İtaliyada "Napoli"yə 1:0 hesabı ilə qalib gəldikləri 1/4 final mərhələsinin cavab görüşündə dizaltı vətərindən xəsarət alıb. O, Premyer Liqada XXXV turun "Kristal Pelas"a 2:3 hesablı məğlubiyyətlə nəticələnmiş oyununda da iştirak etməyib.

28 yaşlı futbolçu cari mövsümün sonunda azad agent kimi "Yuventus"a keçəcək.

Qeyd edək ki, Avropa Liqasının final oyunu mayın 29-da Bakı Olimpiya Stadionunda keçiriləcək.