Antonio Konte "Çelsi" klubunu məhkəməyə verir

Bakı. 20 iyul. REPORT.AZ/ İngiltərənin "Çelsi" futbol komandasının sabiq baş məşqçisi Antonio Konte klubun onu istefaya göndərmək qərarından narazı qalıb.

"Report" "The Times" nəşrinə istinadən xəbər verir ki, italiyalı mütəxəssis London təmsilçisini məhkəməyə vermək niyyətindədir. 

İtaliyalı hüquqşünasların fikrincə, Konte növbəti mövsüm başlamazdan öncə iş tapa bilməyəcək. O, məhkəmənin qərarı ilə 2018-2019 mövsümünün sonunda "Çelsi"dən 9 milyon avro kompensasiya ala bilər. 

Qeyd edək ki, Antonio Konte 2016-cı ildən "Çelsi"yə rəhbərlik edirdi. O, iyulun 13-də baş məşqçi vəzifəsindən ayrılıb. Lonton klubu Mauritsio Sarriyə həvalə olunub.