Yuxarı

Andrey Arşavin Çempionlar Liqasında iştirak etmiş ən yaxşı rusiyalı futbolçu seçilib

Andrey Arşavin Çempionlar Liqasının ən yaxşı futbolçusu seçildi

Bakı. 6 mart. REPORT.AZ/ İspaniyanın "Movistarplus" telekanalının keçirdiyi sorğuda 1992-1993 mövsümündən Çempionlar Liqasının ən yaxşı rusiyalı futbolçusu müəyyənləşib.

"Report" xəbər verir ki, azarkeşlərin səsverməsinə əsasən bu ada "Zenit" və İngiltərə "Arsenal"ının sabiq hücumçusu Andrey Arşavin layiq görülüb. Rusiya millisinin 38 yaşlı sabiq hücumçusu səslərin 45 faizini toplayıb.

"Spartak", Portuqaliyanın "Benfika" və "İspaniyanın "Selta" klublarında çıxış etmiş Aleksandr Mostovoy 23 faiz səslə ikinci, "Spartak", İtaliyanın "Roma" və Portuqaliyanın "Portu" komandalarında oynamış Dmitri Aleniçev isə üçüncü olub. Dördüncü yeri isə 14 faiz səslə ölkəsinin "Spartak", İspaniyanın "Valensiya", "Selta" və "Real Sosyedad" kimi klublarının formasını geyinmiş Valeri Karpin tutub. 

Qeyd edək ki, Andrey Arşavin Çempionlar Liqasında seçmə mərhələlər daxil olmaqla 42 oyun keçirib və 7 qol, 10 məhsuldar ötürmə müəllifi olub. Arşavin Bakıda keçirilmiş “Bakı 2019: Ulduzlar Finalı” adlı qarşılaşmada da iştirak edib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi