Andres İnyestanın Yaponiya klubuna keçidi rəsmiləşib

Bakı. 24 may. REPORT.AZ/ İspaniyanın "Barselona" klubundan ayrılan futbolçu Andres İnyestanın karyerasını Yaponiyanın "Vissel Kobe" klubunda davam etdirəcəyi rəsmiləşib.

"Report" xəbər verir ki, bu barədə xüsusi mətbuat konfransında bəyan olunub. Təcrübəli yarımmüdafiəçi ilə müqavilənin detallarını açıqlanmayıb. 

Qeyd edək ki, Andres İnyesta 2002-2003 mövsümündən çıxış etdiyi "Barselona"nın heyətində ümumilikdə 32 titul qazanıb. O, 674 oyunda 57 qol və 119 məhsuldar ötürmə müəllifi olub.