Almaniya Futbol İttifaqının prezidenti istefa verib

Almaniya Futbol İttifaqının (DFB) prezidenti Raynhard Qrindel istefa verib.

“Report” DPA agentliyinə istinadən xəbər verir ki, 57 yaşlı funksionerin postundan gedişi “Der Spiegel”də nəşr olunan məlumatlarla bağlıdır. 

Bildirilir ki, R.Qrindel DFB-nin törəmə şirkətində işlədiyi müddətdə - 13 ay ərzində əlavə 6 min avro alıb və bunu gizlədib. O həmçinin ukraynalı oliqarxın hədiyyə etdiyi bahalı saatı götürməsi səbəbindən təzyiqlə üzləşib.

Qeyd edək ki, Raynhard Qrindel bu postda 2016-cı ildən çalışırdı. Onu əvəzləməyə ən real namizəd kimi vitse-prezidentlər – Rayner Kox və Raynhard Raubal göstərilir.