Yuxarı

​AFFA qapıçı Kamran Ağayevin cəzasını qüvvədə saxlayıb

Qurumun Apellyasiya və Ekspert Komitəsinin növbəti iclası keçirilib

Bakı. 6 fevral. REPORT.AZ/ AFFA-nın Apellyasiya və Ekspert Komitəsinin növbəti iclası keçirilib.

"Report"un məlumatına görə, iclasda "İnter”in qapıçı Kamran Ağayevlə bağlı müraciətinə baxılıb.

Müzakirələrdən sonra qərara gəlinib ki, AFFA-nın İntizam Komitəsinin Ağayev barədə bir il öncə çıxardığı 3 oyunluq kənarlaşdırma cəzası qüvvəsində saxlanılsın.

Qeyd edək ki, Kamran Ağayev "Qəbələ"də çıxış etdiyi vaxt - ötən mövsümün ilk yarısının son tur matçının 76-cı dəqiqəsində "İnter"in futbolçusu Mikel Alvaronu vurduğu üçün 3 oyunluq cəzalandırılıb. Bundan sonra təcrübəli qapıçı Türkiyəyə üz tutub. O, yayadək "Kayserispor"da, bu mövsümün ilk yarısında isə "Karşıyaka"da çıxış edib. Ağayev "İnter"ə keçdikdən sonra cəzasından bir oyunu Azərbaycan Premyer Liqasında XIX turun "Zirə" ilə görüşündə çəkib. O, sabah "Qəbələ", XXI turda isə AZAL-la oyunlarda iştirak ərizəsindən kənarda qalacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi